Басшылық

Компания жарғысына сәйкес, келесілер Компанияның басқарушы органдары болып табылады:

Жоғарғы орган – Акционерлердің жалпы жиналысы

Басқарушы орган – Директорлар кеңесі

Клебанов Александр Яковлевич

Директорлар кеңесінің Төрағасы

1986 жылы Алма-Ата мемлекеттік медициналық институтын үздік дипломмен бітірді.

Еңбек қызметін Алматы қаласындағы Тері-венерологиялық инфекциялардың Ғылыми зерттеу институтында кіші ғылыми қызметкер жұмысынан бастады.

1988 жылдан 1990 жылға дейін Кеңес армиясының қатарларында әскери қызметтен өтті. Әскери қызметті аяқтағаннан кейін Ақтөбе ферросплав зауытының «Хром» спорт командасында дәрігер болып жұмыс істеді.

1996 жылдан 2000 жылға дейін Қазақстан Республикасындағы «AirfinanceEuropeLTD» компаниясы өкілдігінің директоры лауазымын атқарды. 2000 жылдан 2006 жылға дейін Қазақстан Республикасы Президентінің істерін басқару жөніндегі «Бүркіт» республикалық мемлекеттік кәсіпорнының директоры болды.

Қазіргі уақытта энергетика және қаржы секторларлары компанияларының тобын біріктіретін «Орталық-Азия отын-энергетика компаниясы» АҚ акционері және Директорлар кеңесінің Төрағасы. Клебанов мырза – «Қазақтелеком» АҚ акцияларының иегері, «Орталық-Азия Электроэнергетикалық Корпорациясы» АҚ-да Директорлар кеңесінің Төрағасы.

Клебанов мырза ІІІ дәрежелі «Барыс» және «Құрмет» мемлекеттік ордендерімен марапатталды, Қазақстан Республикасының Премьер-министрінің алғысын алды.

 

Атқарушы орган – Бас директор

Кан Сергей Владимирович

«ОАЭК» АҚ Бас директоры

1998 жылы Абай атындағы Алматы Мемлекеттік Университетін тәмамдаған.

20 жыл төңірегінде Қазақстан Республикасы нарығында түрлі қызмет саласындағы қазақстандық және шетелдіктердің қатысуымен бірлескен кәсіпорындарды басқару, өркендету және дамытумен айналысып келеді.

2007 жылдан бері Кан мырза «Каспиан Оффшор Констракшн» ЖШС Атқарушы директоры қызметін атқарып келеді, 2010 жылдан бері «Circle Maritime Invest» АҚ кеме қызметі компаниясының Президенті.

2004 жылдан қазірге дейін «Орталық-Азия отын-энергетика компаниясы» АҚ Директорлар кеңесінің мүшесі.

2015 жылдан бері «Қазақ Мұнай және Газ Институты» АҚ Директорлар кеңесінің Төрағасы қызметін атқарады.

Кан Сергей Владимирович елдің әлеуметтік-экономикалық және мәдени дамуына қосқан үлесі үшін «Парасат» мемлекеттік орденімен және «Электр энергетикасы саласына қосқан үлесі үшін» медалімен марапатталған.

 



Тұрғанов Дүйсенбай Нұрбайұлы 

«ОАЭК» АҚ Бас директорының бірінші орынбасары

1981 жылы Алматы энергетикалық институтын «Инженер-электрик» мамандығы бойынша бітірген. 1991 жылы «Экономика және өндірісті басқару» мамандығы бойынша Бүкілодақтық қаржы-экономикалық институтын қызыл дипломмен тәмамдаған.

Еңбек жолын электромонтер, шебер, электржөндеу цехының басшысы қызметтерінен бастады. Пайдаға асыру бойынша цех басшысының орынбасары,  «Юго-Восток» кенінің бас энергетигі, электрмен қамту цехының басшысы, «Қаратау» бас энергетигі қызметтерінде жұмысын жалғастырды.

1993-1994 жылдары Тұрғанов мырза Қаратау қаласының көпсалалы өндірістік біріккен кәсіпорындарының Бас директоры қызметін атқарды.

1994-1997 жылдарда Қаратау қаласы әкімнің орынбасары, әкімнің бірінші орынбасары болып жұмыс істеді.

1997-1999 жылдары Жамбыл облысы Сарысу ауданы әкімі болды.

1999-2002 жылдар аралығында Атырау қаласы әкімі қызметін атқарды.

2002 жылдың мамыр мен қазан айлары аралығында «Каспийстройсервис» ЖШС Президенті болып қызмет етті.

2002 жылдан 2007 жылға дейін «KEGOC» АҚ вице-президенті қызметінде болды.

2007-2010 жылдар аралығында ҚР энергетика және минералды ресурстар вице-министрі қызметін атқарды, 2010 жылдан 2011 жылға дейін – ҚР индустрия және жаңа технологиялар вице-министрі болды.

2011 жылдан 2012 жылға дейін «Самұрық-Энерго» АҚ басқарма төрағасының Бірінші орынбасары болды.

2012-2017 жылдар аралығында Павлодар облысы әкімінің Бірінші орынбасары болып жұмыс істеді.

2017 жылы қарашада «ОАЭК» АҚ вице-президенті қызметіне тағайындалды, ал 2018 жылғы қаңтарда «ОАЭК» АҚ Бірінші вице-президенті болды.

Директорлар кеңесінің төрағасы болды:

2010-2011 ж.ж. – «Ядролық технологиялар паркі» АҚ;

2011-2012 ж.ж. – «Балхаш ЖЭС» АҚ; «Шардара ГЭС» АҚ;

2012-2017 ж.ж. – «СПК Павлодар» Ұлттық компаниясы»;

2012-2015 ж.ж. – «СЭЗ Павлодар» Басқарушы компаниясы».

2018 жылдың қаңтарынан «ПАВЛОДАРЭНЕРГО» АҚ, «СЕВКАЗЭНЕРГО» АҚ, «Ақмола ЭҮК» АҚ Директорлар кеңесінің төрағасы болып сайланды.

Тұрғанов Дүйсенбай Нұрбайұлы «Парасат», «Құрмет», «Ерен еңбегі үшін», «Электр энергетикасы саласына қосқан үлесі үшін» және т.б. мерейтойлық медальдармен марапатталған.

Қазақстан Республикасының еңбек сіңірген энергетигі, ТМД еңбек сіңірген энергетигі және Украина еңбек сіңірген энергетигі болып табылады.

Нигай Александр Данилович

«ОАЭК» АҚ Бас директорының коммерциялық мәселелер бойынша бірінші орынбасары

Санкт-Петербург Гуманитарлық Кәсіподақтар Университеті Алматы филиалын «Экономика» мамандығы бойынша тәмамдаған.

«Com Trade Product» ЖШС-да стратегиялық жоспарлау бойынша еңбек тәжірибесі бар.

2017 жылы «ОАЭК» АҚ коммерциялық сұрақтар бойынша вице-президенті болып тағайындалды.

2018 жылдың қаңтарынан «ПАВЛОДАРЭНЕРГО» АҚ, «СЕВКАЗЭНЕРГО» АҚ, «Ақмола ЭҮК» АҚ Директорлар кеңесінің мүшесі болып тағайындалды.

Орал Бағдат Еркебұланұлы

«ОАЭК» АҚ Бас директорының энергия өткізу бойынша бірінші орынбасары

2008 жылы Алматы Энергетика және Байланыс Университетін «Жылу электр станциялары» мамандығы бойынша үздік бітірді. 2009–2011 жылдар аралығында «Болашақ» бағдарламасы бойынша Фрайбург университетінде (Германия) оқыды, «Жаңғырамалы энергия көздерін басқару» мамандығы бойынша M.Sc. дәрежесін алды.

2010 жылы Фраунгофер күн сәулесінің энергия жүйесі ғылыми-зерттеу институтында тәжірибе жинақтады, энергетикалық қондырғыларды сертификациялаумен айналысты. 2001 жылдың наурызынан 2012 жылдың наурызына дейін — Фраунгофер күн сәулесінің энергия жүйесі ғылыми-зерттеу институтында ассистент, өзгермелі фаза материалдарын зерттеу департаментінде жобалар басшысы болды.

2012 жылдан 2014 жылға дейін — «Samruk-Green Energy» ЖШС-да жоба менеджері, ал кейін бас жоба менеджері қызметтерін атқарды. 2014 жылдың наурызынан маусымына дейін «Samruk-Green Energy» ЖШС-да перспективалық даму басқармасының басшысы болды.

2014 жылдың маусымынан 2018 жылдың маусымына дейін — «ЦАТЭК Green Energy» ЖШС басшысы.

2018 жылдың шілдесінен «ОАЭК» АҚ энергия өткізу бойынша Вице-президенті.

Бағдат Еркебұланұлы «ҚЭҚ құрметті энергетигі» атағымен марапатталған.

Язовская Алла Анатольевна

«ОАЭК» АҚ Бас директорының экономика және қаржы жөніндегі бірінші орынбасары

1988 жылы Алматы қ. Халық  шаруашылығы институтын «Бухгалтерлік есеп және  шаруашылық қызметті талдау» мамандығы бойынша бітірген.

1988-2002 жж. Алматы қаласындағы түрлі ұйымдар мен компанияларда бухгалтер, бас бухгалтердің орынбасары, бас бухгалтер болып қызмет етті.

2002-2007 жылдары Павлодар қаласында «Павлодарэнергосервис» ААҚ Қаржы   жөніндегі вице-президенті, Қаржы және экономика жөніндегі бірінші вице-президенті  лауазымдарын атқарды.

2007 жылғы 31 қазаннан бастап «Аксесс Энерго» ЖШС бас директорының  қаржы және экономика жөніндегі орынбасары қызметін атқарды, ол мекеме 2008 жылғы 29 ақпаннан «Солтүстік Қазақстан Энергоорталығы» ЖШС болып атала бастады.  2009 жылы кейінірек «СЕВКАЗЭНЕРГО» АҚ болып қайта құрылған «СевКазЭнерго Петропавл» ЖШС Бас директорының орынбасары болды.

2009 жылғы 11 қарашадан бастап «СЕВКАЗЭНЕРГО» АҚ Басқарма Төрағасының қаржы және экономика жөніндегі бірінші орынбасары лауазымына тағайындалды. 2014 жылғы 19 маусымнан бастап Директорлар кеңесінің шешімімен «СЕВКАЗЭНЕРГО» АҚ Басқарма төрағасының м.а. лауазымына таңдалды. 2014 жылғы қыркүйектен 2018 жылғы желтоқсанға дейін – Бас директордың экономика және қаржы жөніндегі орынбасары.

2018 жылғы 5 желтоқсанда «ОАЭК» АҚ экономика және қаржы жөніндегі вице-президенті болып тағайындалды.

2014 жылы ТМД Электр энергетикалық кеңесінің Құрмет мақтау қағазымен, 2018 жылы «ҚЭҚ Еңбек сіңірген энергетигі» атағымен марапатталды.