Қауіпсіздік және еңбекті қорғау

Қауіпсіздік және еңбекті қорғау «ОАЭК» АҚ-ның басты құндылықтарының бірі және Корпорация бизнес-жүйесінің ажырамас бөлігі ретінде қарастырылады.

Қызметкерлердің денсаулығы мен өмірін сақтау, еңбек етуге қауіпсіз жағдай жасау, жарақаттанудың алдын алу, өндірістік және қызметкерлерге еңбек етуге санитарлық-тұрмыстық жағдайды қамтамасыз ету, зиянды және қолайсыз факторлардың әсер етуін төмендету, жұмыс орындарында салалық өзіне тән тәуекелдер мен қауіптерді төмендету — Корпорация мен оның еншілес ұйымдарының кәсіби қауіпсіздік пен еңбекті қорғау саласындағы саясатының негізгі бағыттары болып табылады.

Қауіпсіздік және еңбекті қорғау бойынша бағдарламалар

2017 жылдың басынан бастап Компаниялар Тобында қауіпсіздік және еңбекті қорғау (ҚжЕҚ) бойынша түрлі бағдарламалар жүзеге асып келеді. Олардың дерлігі жарақаттану ықтималдылығының алдын алу және жұмыс орындарын ҚжЕҚ талаптарына сәйкес жабдықтауға бағытталған. Қазіргі таңда «ОАЭК» АҚ Еншілес ұйымдарында «ҚжЕҚ бойынша сигналдық парақшалар» және «Жұмыс орындарын төлқұжаттандыру» секілді бағдарламалар орындалып жатыр.

Сигналдық парақшаның негізгі принципі қызметкерлердің, мердігерлердің немесе келушілердің қауіпсіз/қауіпті іс-әрекеттер, қауіпті факторлар жайлы хабарларына немесе ҚжЕҚ жағдайын жақсарту бойынша ұсыныстарына құлақ асу. Сигналдық парақшаларға арналған кейстер Еншілес ұйымдардың әр өндірістік бөлімшесінде көрінетін жерде орналасқан, сигналдық парақшалар қағаз түрінде де ұсынылған. ҚжЕҚ-нің Сигналдық парақшалар бағдарламасы бойынша бақылау сараптамасы (толтырылған және өңделген сигналдық парақшалар бойынша статистика, бақылау нәтижелері) сол бөлімде жыл сайын көрсетілетін болады.

2017 жылдан бастап «ОАЭК» АҚ Компаниялар Тобында Жұмыс орындарын төлқұжаттандыру Бағдарламасы жүзеге асып келеді. Бағдарлама жұмыс уақытын, жабдықтарын, еңбектің рационалды әдістерін пайдаланып, ыңғайлы және қауіпсіз еңбек шарттарын жасай отыра белгіленген уақыт аралығында жұмысты тиімді атқару үшін жұмыс орындарын оңтайлы жағдайға келтіруге бағытталған.

Жұмыс орындарын төлқұжаттандыру процесін жүзеге асыру үшін еншілес ұйымдардың әр өндірістік бөлімшесінде (цех, аумақ, аудан) жұмыс топтары құрылды. Жұмыс топтарының мақсаты – барлық жұмыс орындарына тексеріс жүргізу және Қазақстан Республикасында ҚжЕҚ бойынша стандарттар мен нормативтік талаптарға сай емес жұмыс орындарын анықтау. Жұмыс орындарын төлқұжаттандыру Бағдарламасы бойынша есеп беру (тексерілген жұмыс орындарының саны, сәйкестендірілген жұмыс орындарының саны және т.б.) осы бөлімде жыл сайын көрсетілетін болады.

Қауіпсіздік және еңбекті қорғау бойынша жоспар

2016 жылдың сәуірінде «ОАЭК» АҚ-да Қауіпсіздік және еңбекті қорғау (ҚжЕҚ) бойынша 2016–2017 жылдарға іс-шаралар Жоспары бекітілді. Жоспарға келесідей іс-шаралар кірді:

  1. Компаниялар Тобына бірыңғай ҚжЕҚ саласындағы Саясатты жасау және іске асыру;
  2. ҚжЕҚ-мен байланысты процедураларды үндестіру;
  3. ҚжЕҚ насихаттаудың ерекше тәсілдері және еңбек қауіпсіздігінің мәдениетін демеу;
  4. Қызметкерлерді ақпараттандыру;
  5. Қызметкерлерді жекелеген қорғаныстың тиімді құралдарымен жабдықтау;
  6. Қызметкерлерді рухтандыру;
  7. Қызметкерлерді монтерлік және слесарлік сапалы жабдықтармен қамтамасыз ету;
  8. Жабдықтарды оқшаулау және таңбалау (Lock out/Tag out немесе LOTO) процедураларын енгізу;
  9. Денсаулық қорғау;
  10. Жұмыс орындарын төлқұжаттандыру;
  11. ҚжЕҚ бойынша ақпарат алмасу процесін енгізу – сигналдық парақшалар;
  12. Өзара аудит бойынша процедураларды енгізу.

Бүгінгі таңда «ОАЭК» АҚ-да жоспарланған іс-шаралардың негізгі бөлігі жүзеге асты. Жоспардың жүзеге асқан іс-шараларының қысқаша сипаттамасымен компания сайтында жыл сайын жарияланатын Жылдық есептен, «Қауіпсіздік және еңбекті қорғау» бөлімінен таныса аласыз.

ҚжЕҚ бойынша іс-шаралар Жоспары бірінші кезекте жазатайым оқиғалардың алдын алуға, ҚжЕҚ-ға байланысты процедураларды үндестіруге бағытталған. Жоспарда шетелдік және отандық компаниялардың оң әсер беретін үздік тәжірибелері сипатталған.

Толыққанды Жоспар Компанияда бірінші рет қабылданып отыр және болашақта жыл сайын дайындалып, қабылданатын болады. Жоспардың іс-шараларының орындалуы бақылауда ұсталады және «ОАЭК» АҚ басшылығы мен оның еншілес ұйымдарына хабарланады.