
Қауіпсіздік және еңбекті қорғау
Қауіпсіздік және еңбекті қорғау «ОАЭК» АҚ-ның басым құндылықтарының бірі болып табылады және корпорацияның бизнес-жүйесінің ажырамас бөлігі ретінде қарастырылады.
Қызметкерлердің денсаулығы мен өмірін сақтау, қауіпсіз еңбек жағдайларын жасау, жарақаттардың алдын алу, қызметкерлердің санитарлық-тұрмыстық және өндірістік еңбек жағдайларын жақсарту, зиянды және қолайсыз факторлардың әсерін азайту, жұмыс орындарындағы салалық тәуекелдер мен қауіптерді төмендету – «ОАЭК» АҚ мен оның еншілес ұйымдарының кәсіптік қауіпсіздік және еңбекті қорғау саласындағы саясатының негізгі бағыттары.
Қауіпсіздік және еңбекті қорғау саласындағы саясат – бұл «ОАЭК» АҚ жоғары басшылығының басшылықтың көшбасшылық жауапты рөлін, тиімді басқару жүйесін және ресурстармен қамтамасыз етуді құру мен нығайту есебінен қауіпсіздік пен еңбекті қорғауды үздіксіз жетілдіру жөніндегі міндеттемелері туралы ресми мәлімдемесі. Саясат алғаш рет Компания Директорлар кеңесінің 2016 жылғы 7 желтоқсандағы шешімімен қабылданды. 2021 жылы Басқарманың 2021 жылғы 13 тамыздағы шешімімен Саясат қатаңдату бағытында қайта қаралды.
Қағидаттар
- Қызметкерлердің өмірі мен денсаулығының басымдығын өндірістік қызмет нәтижелеріне қарағанда жоғары қою.
- Егер олар өндірісте жұмыс істейтіндердің қауіпсіздігін қамтамасыз ету мүдделеріне қайшы келсе, ешқандай экономикалық, техникалық немесе өзге сипаттағы уәждер назарға алынбайды.
- Компаниялар тобының персоналы жоғары өндірістік мәдениетті қалыптастырудағы негізгі ресурс болып табылады.
- Компаниялар тобының барлық қызметкерлері қауіпсіздік және еңбекті қорғау талаптарын орындау үшін жауапкершілік арқалайды.
- Компаниялар тобының барлық қызметкерлерінің қауіпсіздік және еңбекті қорғау талаптарын қатаң сақтауы оның қызметінің табысты болуында шешуші рөл атқарады.
Мақсаттар
- Өліммен аяқталған жарақаттануға, жазатайым оқиғаларға, кәсіптік аурулар мен өндірістік аварияларға жол бермеу.
- Қызметкерлердің өмірі мен денсаулығына зиян келтіру ықтималдығымен байланысты тәуекелдерді барынша азайту.
- Қызметкерлердің қабілеттерін дамыту және қолдау, тұлғалық әлеуетке, білім мен дағдылардың деңгейі мен сапасына, қауіпсіздік және еңбекті қорғау саласындағы құзыреттілікке бағдарлану, барлық деңгейдегі қызметкерлерде еңбек қауіпсіздігі мәдениетін, қауіпсіздік және еңбекті қорғау нормалары мен ережелерін сақтауға деген жауапты көзқарасты тәрбиелеу.
Мақсатқа жету жолдары / Міндеттемелер
- Қауіпсіздік пен еңбекті қорғауды қамтамасыз етуді «ОАЭК» АҚ пен оның еншілес ұйымдары қызметінің басым бағыттарының бірі деп санау.
- Қазақстан Республикасы заңнамасының, халықаралық және ұлттық стандарттардың, техникалық регламенттердің, қауіпсіздік және еңбекті қорғау саласындағы нормалар мен ережелердің, «ОАЭК» АҚ пен оның еншілес ұйымдарының қауіпсіздік және еңбекті қорғауға қатысты ішкі нормативтік құжаттарының талаптарын Компаниялар тобы жұмыскерлерінің орындауын қамтамасыз ету және мердігер ұйымдардың сақтауын бақылау.
- Өндіріс қажеттіліктеріне сәйкес қауіпсіздік және еңбекті қорғау бойынша ішкі нормативтік құжаттарды тұрақты түрде өзектендіріп отыру, қажет болған жағдайда жаңаларын әзірлеу.
- Жұмыс орындарында қызметкерлер үшін салауатты және қауіпсіз еңбек жағдайларын жасау, өндірістік жарақаттану мен кәсіптік ауруларды барынша азайтуға бағытталған кешенді іс-шаралар жоспарларын әзірлеп, іске асыру, оларды қажетті ресурстармен уақтылы қамтамасыз ету.
- Қызметкерлерден қауіпсіздік және еңбекті қорғау саласындағы нормалар мен ережелердің талаптарын сақтауды талап ету, осы талаптардың бұзылуын назардан тыс қалдырмау.
- Өндірістік авариялар мен жазатайым оқиғалардың алдын алу, кәсіптік ауруларды барынша азайту, өнеркәсіптік объектілердің санитарлық-техникалық жағдайын жақсарту бойынша әсерлі шаралар қабылдау.
- Пайдалану кезінде барынша қауіпсіздік пен сенімділікті қамтамасыз ететін озық инновациялық технологияларды, қондырғыларды, жоғары технологиялы машиналарды, механизмдер мен жабдықтарды қолдану.
- Қызметкерлерді заманауи және тиімді жеке және ұжымдық қорғаныс құралдарымен қамтамасыз ету.
- Бар және ықтимал қауіпті уақтылы анықтау, тәуекелдерді бағалаудың толықтығына және оларды тиімді басқаруға, оларды Компаниялар тобының мақсаттарына сәйкес деңгейге дейін төмендетуге қол жеткізу, барлық персоналдың бұл жұмысқа кеңінен тартылуын қамтамасыз ету.
- Қауіпсіздік және еңбекті қорғау саласында заманауи ақпараттық коммуникацияларды қолдану, «ОАЭК» АҚ пен оның еншілес ұйымдарында атқарылып жатқан жұмыстар, озық халықаралық және корпоративтік тәжірибе, туындаған мәселелер мен оларды шешу жолдары туралы персоналдың барлық мүдделі тараптармен ақпарат алмасуын арттыру және екіжақты әрі көпжақты ақпарат алмасуды қолдау.
- Қауіпсіздік және еңбекті қорғау саласындағы өндірістік және ішкі бақылаудың тиімділігін арттыру, қажетті нұсқамалардың барлық түрлерін уақтылы өткізу.
- Қызметкерлердің кәсіби білімі мен дағдыларының деңгейін тұрақты түрде көтеріп отыру, оларды қауіпсіздік және еңбекті қорғау саласындағы талаптармен үйлестіру.
- Қызметкерлердің қауіпсіздік және еңбекті қорғау саласындағы білімі мен дағдыларын жүйелі түрде бағалап отыру, заңнамада белгіленген оқыту бағдарламаларынан өтпеген және білім тексеруден өтпеген қызметкерлерді жұмысқа жібермеу.
- Оқиғаларды (жазатайым оқиғалар, авариялар және кәсіптік аурулар) сапалы әрі уақтылы тергеп-тексеру. Оқиғаларды тергеу нәтижелерін персоналға жеткізу, болашақта осындай оқиғалардың қайталануына жол бермеу бойынша әсерлі шаралар қабылдау.
- Компаниялар тобында олардың жетістіктерін енгізу үшін қауіпсіздік және еңбекті қорғау саласында көшбасшы болып табылатын компаниялардың озық тәжірибесін зерделеу және кеңінен қолдану.
- Қауіпсіздік пен еңбекті қорғауды қамтамасыз ету үшін қызметкерлердің өкілдері мен барлық деңгейдегі еншілес ұйымдардың басшыларын тарту, жұмыс беруші мен қызметкерлер, «ОАЭК» АҚ, оның еншілес ұйымдары мен қоғам арасындағы мүдделердің оңтайлы теңгеріміне қол жеткізу.
Іске асыру бағыттары мен ұстанымдар
- ҚР қолданыстағы заңнамасының және қауіпсіздік пен еңбекті қорғау саласындағы корпоративтік стандарттардың талаптарының орындалуын қамтамасыз ету.
- ISO 45001 халықаралық стандартының талаптарын ескере отырып, қауіпсіздік және еңбекті қорғау менеджменті жүйесін тұрақты түрде жетілдіру және оның тәжірибеде тұрақты жұмыс істеуін қамтамасыз ету;
- Әрбір қызметкер үшін қауіпсіз және салауатты еңбек жағдайларын қамтамасыз ету;
- Қызметкерлердің өмірі мен денсаулығына зиян келтіру ықтималдығымен байланысты тәуекелдерді арттыратын алғышарттар мен жағдайларға жол бермей, өндірістік жоспарларды орындау және экономикалық көрсеткіштерді жақсарту;
- «ОАЭК» АҚ пен оның еншілес ұйымдары жоғары менеджментінің мәжбүрлі түрде әрекетсіз қалуына әкеп соқтыратын қауіпсіздік және еңбекті қорғау талаптарының бұзылу фактілерін жасыруды немесе үндемей қалуды болдырмайтын Компаниялар тобындағы ішкі сенімді диалогты дамыту;
- Қауіпсіздік және еңбекті қорғау саласындағы заңнама нормаларын елемеуден де, сондай-ақ бұл сала орын алған бұзушылықтардың белгілі фактілеріне қатысты әрекетсіздіктен де туындаған қауіпсіздік және еңбекті қорғау талаптарын бұзғаны үшін лауазымды тұлғалардың жауапкершілігін күшейту;
- Қауіпсіздік және еңбекті қорғау жөніндегі іс-шаралардың нәтижелерін барлық персоналдың жұмысын бағалау көрсеткіштеріне қосу және нәтижелеріне сәйкес көтермелеу;
- Мердігер ұйымдардың Қазақстан Республикасында қабылданған қауіпсіздік және еңбекті қорғау стандарттары мен нормаларын және Компаниялар тобында қабылданған жергілікті құжаттарды сақтауы, сондай-ақ олардың қызметін бақылауды күшейту;
- Қауіпсіздік және еңбекті қорғау саласындағы ақпараттың ашықтығы, айқындығы және қолжетімділігі.
- Қажеттілікке қарай «ОАЭК» АҚ пен оның еншілес ұйымдарының қауіпсіздік және еңбекті қорғау саясатын қайта қарау, түзету және жетілдіру.
«ОАЭК» АҚ-та әр екі жыл сайын қауіпсіздік және еңбекті қорғау жөніндегі ұзақ мерзімді іс-шаралар жоспары (бұдан әрі — ҚЕҚ) бекітіледі. Жоспардың барлық іс-шаралары, ең алдымен, жазатайым оқиғалардың алдын алуға, ҚЕҚ-ке қатысты рәсімдерді біріздендіруге бағытталған. Жоспарда оң нәтиже беретін шетелдік және отандық компаниялардың озық тәжірибелері сипатталған. Жоспар алғаш рет 2016 жылы қабылданды. 2024 жылы жаңа Жоспар бекітілді, оның басты іс-шарасы — Vision Zero тұжырымдамасын әзірлеу және енгізу болып табылады.
Төменде әр жылдардағы ҚЕҚ жоспарларына енген, іске асырылып жатқан негізгі іс-шаралар келтірілген.
- 1.Персоналдың санитарлық-тұрмыстық жағдайларын жақсарту, жуынатын бөлмелерді, демалыс және тамақтану бөлмелерін заманауи талаптарға сәйкестендіру, арнайы киімді шаңнан тазарту камераларын орнату;
- 2.Кіріспе нұсқамалар бағдарламасын визуалдау және жұмыскерлердің нұсқама материалын меңгеруін тексеру парақтарын енгізу;
- 3.Еншілес ұйымдар кәсіпорындары арасында өзара аудиттер тәжірибесін енгізу;
- 4.Мінез-құлық қауіпсіздігі аудиттерін жүргізу рәсімдерін енгізу;
- 5.Биіктікте жұмыс істеу кезінде бес бекіту нүктесі бар сақтандыру белдіктеріне көшу;
- 6.Дүниежүзілік еңбекті қорғау күніне арналған іс-шараларды, Отбасылық қауіпсіздік күндерін өткізу, «ОАЭК» АҚ және еншілес ұйымдардың бірінші басшыларының ҚЕҚ бойынша бейнеүндеулерін дайындау және т.б. арқылы ҚЕҚ-ті насихаттаудың тиімді әдістері және қауіпсіз еңбек мәдениетін қолдау;
- 7.Жұмыс орындарын дайындау және рұқсат беру кезінде электр желілік компанияларда мобильді бейнетіркегіштерді енгізу;
- 8.Ауыстырып-қосуларға қатысатын электротехникалық персоналды электр доғасының әсерінен қорғайтын жеке қорғаныс құралдарымен қамтамасыз ету;
- 9.Қауіпсіз еңбек үшін персоналды ынталандыру;
- 10.Электр беру желілеріне қызмет көрсететін жөндеу персоналын каскалық кернеу сигнализаторларымен қамтамасыз ету;
- 11.Жабдықты блоктау және таңбалау немесе Энергия көздерін оқшаулау рәсімін енгізу (Lock out/Tag out немесе LOTO);
- 12.Тұйық кеңістікте жұмыстарды орындау кезінде қауіпсіздікті қамтамасыз ету рәсімін енгізу;
- 13.Мектептерде электроқауіпсіздік туралы дәрістер өткізу, электроқауіпсіздік бойынша жаднамалар шығару және т.б. арқылы үшінші тұлғалар арасында жарақаттанудың алдын алу;
- 14.Қызметкер тарапынан ҚЕҚ талаптары бұзылғаны үшін оған тәртіптік жаза қолданылғаны туралы (премиядан айыру және т.б.) оның отбасы мүшелеріне (жұбайы, әкесі/анасы) хабарлау тәжірибесін енгізу;
- 15.Аралап шығуларды тіркеу және аралау кезінде анықталған сәйкессіздіктер бойынша бағдарламалық өнімдерді енгізу арқылы қауіпсіздік және еңбекті қорғау саласындағы процестерді автоматтандыру;
- 16.«Жұмыс орындарын паспорттау» немесе «Жылдам жеңістер» бағдарламасы;
- 17.«Сигнал парағы» кері байланыс бағдарламасы;
- 18.Бірінші басшыларды ҚЕҚ бөлігі бойынша келесі негізгі көрсеткіштер негізінде бағалау жүйесін енгізу:
- –жарақаттану;
- –ҚЕҚ бойынша корпоративтік жоспардың орындалуы;
- –ҚЕҚ бойынша бақылау-профилактикалық жұмысқа қатысу.
- 19.Фотоға түсіруді қолдана отырып және кейіннен жаттығу кезеңдерінің фотосуреттері бар есеп бере отырып, персоналмен бақылау аварияға қарсы және өртке қарсы жаттығулар жүргізу рәсімін енгізу;
- 20.Қашықтағы объектілерде жұмыс істейтін электр желілік компаниялардың бригадалары үшін персоналды позициялау жүйесін енгізу;
- 21.Электр желілік компанияларда кернеу астында жұмыс істеу тәжірибесін енгізу;
- 22.Электр желілік компанияларда темірбетон тіректер мен приставкаларды тиісті түрде сақтау, тасымалдау және жарамсыз деп тану, ЛИС-У түріндегі құралдардың көмегімен тіректердің беріктігін бұзбай бақылау жөніндегі іс-шараларды енгізу.
ҚЕҚ жоспарларының орындалған іс-шараларының қысқаша сипаттамасымен компания сайтында жыл сайын жарияланатын Жылдық есептердің «Қауіпсіздік және еңбекті қорғау» бөлімінен танысуға болады. Жоспар іс-шараларының орындалуы қадағаланып, «ОАЭК» АҚ және оның еншілес ұйымдарының басшылығына хабарланып отырады.
- 1.
- 1.
Электр желілік компанияларда мобильді бейнетіркегіштерді енгізу
«ОАЭК» АҚ-тың қауіпсіздік және еңбекті қорғау жөніндегі іс-шаралар жоспарын орындау мақсатында, жедел ауыстырып-қосуларға, жұмыс орындарын дайындауға, жұмыс орындарында жерге тұйықтауды орнатуға/алып тастауға және т.б. қатысатын өндірістік персоналдың еңбек тәртібі мен жауапкершілігін арттыру үшін 2019 жылы пилоттық жоба ретінде «ПРЭК» АҚ бейнетіркегіштер сатып алды. Сәтті енгізілгеннен кейін бұл тәжірибе «ОАЭК» АҚ-тың басқа да электр желілік компанияларында таратылды.

- 2.
Кәсіпорындарды реанимациялық іс-шараларды өткізу үшін дефибрилляторлармен қамтамасыз ету
Денсаулық күрт нашарлаған жағдайда көмек көрсету жағдайларын жасау мақсатында мобильді дефибрилляторлар сатып алынды. Олармен энергоөндіруші кәсіпорындардың, атап айтқанда «СЕВКАЗЭНЕРГО» АҚ-тың ПТЭЦ-2, «ПАВЛОДАРЭНЕРГО» АҚ-тың ЖЭО-2, ЖЭО-3 медициналық пункттері қамтамасыз етілді.
Дефибрилляторлар орнатылған кәсіпорындардың жұмыскерлері үшін оқыту тренингтері өткізілді. Сондай-ақ дефибрилляторларда реанимация процедурасы барысында әрекеттер алгоритмін бағыттап тұратын кіріктірілген аудиокөмекші бар, бұл дәрігерге дейінгі көмек көрсетудің минималды дағдылары бар мамандарға осы аппаратты пайдалануға мүмкіндік береді.

- 3.
Ауыстырып-қосуларға қатысатын электротехникалық персоналды электр доғасының әсерінен қорғайтын жеке қорғаныс құралдарымен қамтамасыз ету
2018 жылы электротехникалық персоналды электр доғасының термикалық тәуекелдерінен қорғайтын костюмдермен қамтамасыз ету жұмыстары басталды.
2019 жылы шамамен 700 қорғаныс жиынтығы сатып алынды, олармен электр желілік компаниялардың жедел-көшпелі бригадалары және энергоөндіруші кәсіпорындар мен жылу желілерінің электротехникалық персоналы қамтамасыз етілді.
Қазіргі уақытта термикалық тәуекелдерден қорғайтын арнайы киіммен барлық электротехникалық персонал қамтамасыз етілуде.

- 4.
Дүниежүзілік еңбекті қорғау күні аясында жыл сайынғы іс-шараларды өткізу
Жыл сайын Дүниежүзілік еңбекті қорғау күні аясында қауіпсіз еңбекті насихаттауға бағытталған әртүрлі іс-шаралар өткізіледі:
- 1.«ОАЭК» АҚ Өндіріс жөніндегі Басқарма Төрағасы орынбасарының төрағалық етуімен еңбекті қорғау бойынша кеңейтілген кеңес;
- 2.«Қауіпсіз өндіріс» қауіпсіздік және еңбекті қорғау айлығы;
- 3.«Бала көзімен еңбекті қорғау» тақырыбындағы балалар шығармашылығы байқауы;
- 4.ЕҰ жұмыскерлерінің отбасылары олардың жұмыс орындарына бара алатын «Қауіпсіздік техникасының отбасылық күні». Мұндай тәжірибе отбасы мүшелері арқылы ықпал ету жолымен жұмыскерлердің қауіпсіздік мәдениетін арттыруға бағытталған;
- 5.Үздік ҚЕҚ қызметтерін «ОАЭК» АҚ грамоталарымен және ақшалай сыйлығымен көтермелеу;
- 6.ҚЕҚ бойынша үздік жұмыскерлерді грамоталармен және ақшалай сыйлықпен көтермелеу және т.б.
2022 жылы 22 қазандағы №19 Басқарма шешімімен дүниежүзілік еңбекті қорғау күніне арналған іс-шараларды өткізу туралы ереже бекітілді, онда ықтимал іс-шаралар, оларды өткізу шарттары мен бағалау көрсетілген.
- 1.
- 5.
Үшінші тұлғалар арасында электр жарақаттануының алдын алу
Үшінші тұлғалар арасында жарақаттануға жол бермеу мақсатында халықпен түсіндіру жұмыстары жүргізіледі. Іс-шаралар мектеп жасындағы балалар мен колледж студенттері арасында жарақаттанудың алдын алуға бағытталған.
Қызмет көрсету өңірлерінде жыл сайын оқу орындарында электроқауіпсіздік бойынша сыныптан тыс сағаттар өткізіледі. Солтүстік Қазақстан, Павлодар және Ақмола облыстары әкімдіктерінің білім басқармаларына, Петропавл және Павлодар қалаларының білім бөлімдеріне, аудандық білім бөлімдерінің басшыларына электроқауіпсіздіктің негізгі ережелері мен балалар арасында электр жарақаттануының алдын алу шаралары туралы жаднама жіберіледі.
- 6.
«Жұмыс орындарын паспорттау» немесе «Жылдам жеңістер» бағдарламасы
Бағдарламаның мақсаты – жұмыс уақытын, жабдықты толық пайдалану, еңбектің ұтымды әдістерін қолдану, қолайлы және қауіпсіз еңбек жағдайларын жасау негізінде белгіленген мерзімде жұмыстарды тиімді орындауды қамтамасыз ету үшін өндірістік бөлімшелердің жұмыс орындарын мінсіз күйге келтіру.
- 7.
«Сигнал парағы» кері байланыс бағдарламасы
2016 жылы Сигнал парағы туралы ереже әзірленді. Сигнал парағының мақсаты қызметкерлерді еңбек жағдайларын жақсарту процестеріне тарту және кері байланыс алу үшін ашық тетік құру болып табылады. Әрбір жұмыскер сигнал парағын толтырып, онда өз тілектерін немесе ұсыныстарын көрсете алады. Бағдарлама тұрақты негізде жұмыс істейді.
- 8.
«ОАЭК» АҚ ЕҰ бірінші басшыларын оқыту
2017 жылы «ОАЭК» АҚ ЕҰ-ның барлық бірінші басшылары мен қауіпсіздік және еңбекті қорғау қызметтерінің басшылары IOSH MANAGING SAFELY (ҚАУІПСІЗ БАСҚАРУ) курсы бойынша оқытудан өтті. Басшылардың жаңартылған құрамы 2025 жылы оқытудан өтті.
- 9.
Бұзбай бақылау құралдарының көмегімен тіректердің беріктігін бақылау әдісін енгізу
Тіректердің беріктігін бақылау жеткізушіден тіректерді қабылдау кезеңінде және жұмыстарды бастар алдында келесі тәуекелдерді болдырмауға мүмкіндік береді:
- тіректерді сымнан босату технологиясын бұзу; - өндірушілер тіректерінің қаңқаны арматуралау және бетон маркасы бөлігінде белгіленген ГОСТ-тарға сәйкес келмеуі.

- 10.
«ПРЭК» АҚ-та кернеу астында жұмыс істеу тәжірибесін енгізу
0,4 кВ желілеріндегі кернеу астындағы жұмыстарды Павлодар таратушы электр желілік компаниясы 2024 жылдың қыркүйегінен бастап жүргізуде. Кейін компания бұл технологияны масштабтап, абоненттерді өшірмей, 10 кВ кернеулі желілерде жөндеу жұмыстары мен қызмет көрсетуді атқара бастады.
Басты мақсат: Тұрғындар, әлеуметтік нысандар мен кәсіпорындар үшін электр энергиясын беруді шектеусіз жөндеу, жабдықтарды ауыстыру және электр желілеріне қызмет көрсету.

- 1.
- TIFR
- FIFR
00,250,50,75110,920,910,630,470,840,640,470,520,830,310,20,2500,09000,090,0900,10,10,10’142014’152015’162016’172017’182018’192019’202020’212021’222022’232023’242024’252025Деректерді кесте түрде көрсету
Жыл TIFR FIFR 2014 1 0,25 2015 0,92 0 2016 0,91 0,09 2017 0,63 0 2018 0,47 0 2019 0,84 0,09 2020 0,64 0,09 2021 0,47 0 2022 0,52 0,1 2023 0,83 0,1 2024 0,31 0,1 2025 0,2 0 TIFR (Total Incident Frequency Rate) – 1000 жұмысшыға шаққандағы өндірістегі барлық жазатайым жарақаттану оқиғаларының жиілік коэффициенті (1-формула):
Кч=n × 1000N(1)гдеn - есепті кезеңде өндірісте жазатайым оқиғалардан зардап шеккендердің жалпы саны;
N - жұмыскерлердің орташа тізімдік саны.
FIFR (Fatality Incident Frequency Rate) - 1000 жұмысшыға шаққандағы өліммен аяқталған жазатайым оқиғалардың жиілік коэффициенті (2-формула):
Кч1=n₁ × 1000N(2)гдеn₁ - есепті кезеңде өндірісте қайтыс болған (өліммен аяқталған) зардап шеккендердің саны;
N - жұмыскерлердің орташа тізімдік саны.
Құрметті әріптестер!
Қауіпсіздік және еңбекті қорғау мәселелеріне арналған бұл үндеуді мен ОАЭК компаниялар тобының барлық қызметкерлеріне, мердігер ұйымдардың жұмыскерлеріне және келушілерге арнаймын.
Жылу және электр энергиясын өндіру мен тарату ерекшелігі жоғары тәуекелдермен байланысты. Еңбек үдерісіне жұмылдырылған қызметкерлердің өмірі мен денсаулығына елеулі қауіп төнуі мүмкін. Өкінішке қарай, Компаниялар тобы кәсіпорындарында жазатайым оқиғаларға жол берілетінін, олардың кейбірі өліммен аяқталатынын атап өтуге тура келеді. Бұл – бүкіл ұжымымыз үшін орны толмас ауыр шығын. Соңғы уақытта өндірістік жарақаттанудың алдын алу мақсатында біз ауқымды жұмыс атқардық, соның арқасында 2025 жылы жазатайым оқиғалардың жалпы санын 2016 жылмен салыстырғанда 80%-ға төмендетуге қол жеткіздік.
ОАЭК миссиясы тұтынушыларымыздың өмір сүру сапасын арттырудан және қызмет көрсететін өңірлердің экономикалық дамуы үшін жағдай жасаудан тұрады. Барлығымыз тұтынушыларды жылумен және электр энергиясымен сенімді әрі қауіпсіз түрде қамтамасыз ету деген ортақ міндет үшін еңбек етіп жатырмыз.
Осы миссияны орындау үшін біз белгілі бір құндылықтарды ұстанамыз. Адамдардың өмірі мен денсаулығы – басты құндылық! Ал олардың өндірістегі қауіпсіздігі – біз үшін басымдық. Бұл сондай-ақ жеке өз басым үшін де нөмірі бірінші басымдық болып табылады.
Құндылықтарымыздан бөлек, ОАЭК-тің Қауіпсіздік және еңбекті қорғау саясатында жарияланған бірқатар қағидаттары бар:
Бірінші: Компаниялар тобының персоналы жоғары өндірістік мәдениетті қалыптастырудағы негізгі ресурс болып табылады.
Екінші: Компаниялар тобының барлық қызметкерлері қауіпсіздік және еңбекті қорғау талаптарын орындау үшін жауапкершілік арқалайды.
Үшінші: Компаниялар тобының барлық қызметкерлерінің қауіпсіздік және еңбекті қорғау талаптарын қатаң сақтауы оның қызметінің табысты болуында шешуші рөл атқарады.
Менің қалайтыным – сіздер осы маңызды қағидаттарды қабылдасаңыздар екен. Әрбір жұмыскер, басшы, маман еңбекті қорғау құндылығын ұстанып, мұны жеке үлгісімен дәлелдесе екен деймін.
ОАЭК кәсіпорындарындағы қауіпсіз еңбек және нөлдік жарақаттану – біздің ортақ мақсатымыз! Бұл өндірісте 0 жазатайым оқиға, 0 кәсіптік ауру, біздің қызметіміздің нәтижесінде ешкімге 0 зиян келтірмеу дегенді білдіреді.
Қауіпсіздік әрқайсымыздан басталады!
Бағдат Орал

