Қазақстан қор биржасы (KASE) жыл сайынғы жылдық есептер байқауының қорытындысын жариялады. Сарапшылардың бағалауы бойынша, «ОАЭК» АҚ-ның 2024 жылғы қызметі туралы ақпараттың ашылу деңгейі реалды сектор компаниялары арасында ең үздік деп танылды.
Сарапшылар комиссиясы ақпараттың ашылу сапасына жоғары баға беріп, Корпорация есептілігінің әлемдік озық тәжірибелерге сәйкестігін атап өтті. KASE марапаты осымен екінші жыл қатарынан «ОАЭК» АҚ-ның ашықтық принциптеріне адалдығын, корпоративтік басқарудың жоғары деңгейін және инвесторлармен әрі акционерлермен өзара іс-қимылдың тиімділігін растап отыр.
«Орталық-Азия Электроэнергетикалық Корпорациясы» активтерінің жиынтық белгіленген электр қуаты 1 306 МВт-ты, жиынтық белгіленген жылу қуаты – 2 199 Гкал/сағ-ты құрайды. Электр жеткізу желілерінің жалпы ұзындығы – 48 400 км, жылу желілерінің ұзындығы – 644,7 км.
Қазақстан өңірлерінде «ОАЭК» АҚ энергиямен жабдықтаудың барлық буындарын: өндіру, тасымалдау және өткізуді қамтитын екі тігінен интеграцияланған энергетикалық компаниямен – «СЕВКАЗЭНЕРГО» АҚ және «ПАВЛОДАРЭНЕРГО» АҚ-мен ұсынылған. Ақмола облысын электрмен жабдықтауды Корпорацияның еншілес компаниясы – «Ақмола электр желілерін таратушы компаниясы» АҚ қамтамасыз етеді.