2014 жылдың 22 желтоқсанында «СЕВКАЗЭНЕРГО» АҚ-ның барлық кәсіпорындарында Қазақстан Республикасы Энергетигі күнінің құрметіне орай, салтанатты шаралар өтті. Саланың үздік қызметкерлері компанияның Бас директоры Леонид Ларичев пен Солтүстік Қазақстан облысының әкімі Владимир Бубенконың құттықтаулары мен сый-сияпаттарын иеленді.

Марапаттау шарасы «СЕВКАЗЭНЕРГО» АҚ кәсіпорындарының әрқайсысында өткізілді. Энергетиктердің үлкен де ұйымшыл ұжымының ондаған қызметкері Солтүстік Қазақстан облысы әкімінің және Қазақстан Электроэнергетикалық қауымдастығының грамоталарымен марапатталды. Олардан бөлек, кәсіпорныда 2014 жылдың қорытындысы бойынша «Сала үздігі» аталымының жеңімпаздары анықталып, топтан дара шыққан қызметкерлердің есімі «Құрмет кітабына» енгізілді. Ал сала ардагерлеріне «Ардагер энергетик» құрметті атағы берілді.

«Біздің аймақта энергетика саласы жылдан жылға дамып келеді. Бір ғана Петропавл 2-ЖЭО жабдықтарын жаңғыртуға 8 млрд теңге жұмсалды. Турбина мен қазандық агрегаттар, электр беру желілері мен жылу желілері ауыстырылып, энергия тұтынушылармен жұмыс жүргізу жеңілдетілуде. Мұның барлығы біздің энергетиктердің кйсіби біліктілігінің жоғары екенін көрсетеді», – деп атап өтті өзінің құттықтау сөзінде Солтүстік Қазақстан облысы әкімінің орынбасары Владимир Бубенко.

«СЕВКАЗЭНЕРГО» АҚ Қоғаммен байланыс бөлімі