Петропавлда ҚР Энергетика вице-министрі Жандос Нұрмағанбетов пен ҚР Энергетика министрлігі Атомдық және энергетикалық қадағалау мен бақылау комитетінің төрағасы Сұңғат Есімханов жұмыс сапарымен болды. Олар Петропавл 2-ЖЭО жылу беру маусымына дайындығын, сондай-ақ 2-ЖЭО қалпына келтіру бойынша Жол картасының іске асырылуын тексерді. Уәкілетті органның басшылығы жұмыс барысымен «ОАЭК» АҚ Басқарма төрағасы Бағдат Орал және «СЕВКАЗЭНЕРГО» АҚ Бас директоры Олег Перфилов таныстырды.

№1, №3-№7, №12 қазанагрегаттарын екінші түтін мұржасына қосу үшін сыртқы газ құбырлардың салуын аяқтау – бірінші кезектегі міндет болып табылады.

«Бұл учаскідегі жұмыс тәулік бойы қызу жүріп жатыр. Жоспарланған барлық жұмыс қатаң кесте бойынша жүзеге асырылуда. №12 қазандыққа арналған газ құбырларының құрылысы аяқталды, 20 қыркүйекке дейін №7, №6 және №5 қазандықтарға,  30 қыркүйекке дейін №4 қазандыққа, 15 қазанға дейін №1 және №3 қазандықтарға арналған газ құбырлары салынады», - деді Олег Перфилов.

Биыл станцияның қазандық жабдықтарында үлкен жөндеу жұмыстары жүргізілуде. №4, №5, №6 және №7 қазандықтардағы қыздыру беттерінің 50%-дан 70%-ға дейін ауыстырылды. №1 қазанагрегатының ағымдағы жөндеу жұмыстары жүргізілді, №8, №9 және №12 қазандықтардағы барлық жұмыстар аяқталды. Ғимарат құлаған мезетте жабдықтары зақымдалған №3 қазандықты жөндеу 1 желтоқсанға дейін аяқталады. Станция жылыту маусымының шыңын 11 жұмыс істейтін қазанагрегаттармен қарсы алады, олардың 2-ін резервте ұстау жоспарлануда.

Бірінші түтін мұржасын талдау кезінде жақсы қарқын алдық. Бүгінгі таңда құрылымнан 52 метр қалды, 30 метрлік белгіден техниканы пайдалану жоспарлануда, ол бүкіл үдерісті бір апта ішінде аяқтайды. Сонымен қатар, екінші және үшінші түтін мұржаларын сараптамалық ұйымдар тексерді, мамандардың барлық ұсыныстары толық көлемде орындалды.

Уәкілетті орган басшылығына станцияның турбина цехындағы жөндеу жұмыстары көрсетіліп, жаңа түтін құбырын салу жоспарлары айтылды. Сапар жұмыс кеңесімен аяқталды, онда негізгі нәтижелер шығарылды.