2014 жылдың 10 қарашасы күні «ПАВЛОДАРЭНЕРГО» АҚ ҚР Энергетика министрлігімен жалпы сомасы 9 471 665 мың теңгені құрайтын Павлодар 3-ЖЭО, 2-ЖЭО және Екібастұз ЖЭО-н жаңғыртуға бағытталған шараларды жүргізу туралы келісімге қол қойды.

2014 жылы «ПАВЛОДАРЭНЕРГО» АҚ ҚР Энергетика министрлігімен келісімге сәйкес, өзіне8 571,173 млн теңгенің инвестициялық міндеттемелерін жүктеп алды. Өтіп бара жатқан жылдың ең айтулы шарасы – Павлодар 3-ЖЭО-нда №5 турбоагрегатты іске қосу болды. Оны терең жаңғырту нәтижесінде жоғары және орта қысымдағы цилиндрлері ауыстырылып, турбинаның технологиялық процесін автоматты басқару жүйесі орнатылды.

Мұның бәрі станцияның белгіленген қуатын 15 МВт-қа арттыруға мүмкіндік берді. Бұдан бөлек, 3-ЖЭО №2 бу турбинасында жұмыстар жалғасып жатыр, оны іске қосу 2015 жылға жоспарланған. Ол белгіленген электр қуатын тағы 5 МВт-қа арттыруға мүмкіндік бермек. 3-ЖЭО-нда жаңа күл аулағыштың құрылысы аяқталып, ол ҚР Тәуелсіздік күні қарсаңында пайдалануға берілді. Сондай-ақ, ауқымды жұмыс Екібастұз ЖЭО мен 2-ЖЭО-ның күл аулағыштарының екінші кезеңінде атқарылды. 3-ЖЭО №5 градирнасының құрылысы басталды, бұл жазғы мезгілде 3-ЖЭО белгіленген электр қуатын 35 МВт-қа арттыруға мүмкіндік тудырады.

Кәсіпорын бұл жетістіктерімен тоқтап қалмай, 2015 жылы инвестициялық жобаларын тағы 1 млрд теңгеге арттыру жауапкершілігін мойнына алғалы отыр. Салыстырып қарар болсақ, 2014 жылы жобалардың жалпы құны 9 471, 665 млн теңге болған еді.

Аталған қаражатты мына бағыттарда игеру жоспарланып отыр:

  • Жаңа құрылыс;
  • Негізгі және көмекші жабдықтарды жаңғырту және қайта құру;
  • Станция жабдықтарының парктік ресурсын қайта қалпына келтіру;
  • Павлодар 3-ЖЭО, 2-ЖЭО және Екібастұз ЖЭО табиғатты қорғау шаралары.

«ПАВЛОДАРЭНЕРГО» АҚ Қоғаммен байланыс бөлімі